香港人，加油!

經歷了昨晚，看到很多關於香港爭取民主的新聞，

看到這一場和平的公民運動，帶來很多市民因被催淚彈而受傷

相信大家都感到很難過。

這種痛心的感覺，我暫時也沒有心情去介紹吃喝玩樂

但腦海不停的想著一句：

怯，就會輸一世！

這一句，來於近來Adidas ，由張家輝作代言的廣告

無錯，我相信這一場"革命"是長久戰

從來, 爭取民主是漫長的, 不是一朝一夕能達到!

但我相信，面對強權，香港人一定不能怯，

因為這樣就會輸一世！

我為香港人加油，打氣！

但大家謹記，人身安全最緊要，因為抗爭而受傷，絕對不想看到!

希望陰暗的日子快過，每天都是晴天的開始！

香港，加油！

[丹麥篇] 嚮往的生活

如果係香港見到依個情況，可能你會以為舉行單車遊行，又可能以為一班FD週日相約一齊踩單車...

但其實依個係丹麥 哥本哈根 城市正常生活畫面!

2013年5 月歐洲之旅，係丹麥 遊歷左10天!

已經深深愛上這個地方! 有人說，世界上最快樂的地方，丹麥絕對是數一數二!

經過今次旅行，我都好肯定講，丹麥係一個好舒服、開心O既國家，點解？

愛上丹麥的原因：

1) 講求環保: 垃圾分類係必然,而周圍都有好多綠色生活元素,有大自然感覺! 就算有幾多煩惱, 都快就一掃而空!

2) 單車代步: 係丹麥踩單車已經發展得好好, 好完善! 基本上, 多數人都係踩單車返工返學, 好少會搭交通工具。我踩單車亦唔算係好熟練, 但因為 丹麥城市內好多指示牌 , 提示, 而且公共交通都會對單車者好禮讓, 總之就好有安全感!

3) 童話同現代化交融的地方:  市內除左有好多現代建築之外, 但都不失童話氣息! 例如由市中心踩單車大約30-40分鐘, 就會搵到美人魚像; 係市中心又有一個好出名O既 Tivoli (蒂佛里樂園) , 又會搵到關於安徒生o既擺設...

每一次回想起 丹麥...我都好回味, 

因為好想每日o既生活, 都係咁舒服! 如果你想過一個超級 laidback 的生活,

即是日日都好 遊手好閒...躺係沙灘, 草地就一日 的話....

丹麥生活模式不會是這樣...

反而你會覺得每日都過得好充實,

就算有工作在身, 每日對著美好的環境, 個人都精神好多! :P

可能我咁講,好難會感受到,

但生平必去的地方, 丹麥 絕對是我的推介首三位! 

得閒會介紹更多 丹麥 旅行 點滴!! 要慢慢整理下先 :P

待續...

臨別夏天----人氣韓國雪冰!korean Dessert Cafe

首先好感謝U Travel 推介我o既網誌!

因為無諗過寫第二篇blog,就已經有咁多人去like同share!最開心係…令更多人認識到新沙醬油蟹（好野當中係同大家分享啦XD!) 因為真心好味架嘛！

今日突如來潮，又諗起上個月韓國之旅，試左一間好味甜品Cafe!

就係…Korean Dessert Cafe!!

Korean Dessert Cafe , Meyong dong

其實好好彩，因為去過幾次韓國，都無留意到依間野，今次只係咁岩經過，又咁岩係明洞行完街好累想搵個地方休息下，之後就係咁黎左依到喇！

依度主打，當然係雪花冰(설빙,雪冰)啦！

主要有紅豆，起司，芝麻，豆粉年糕，莓果優格，咖啡口味，之後可以再配水果。一黎唔係好識韓文，二黎又覺得花多眼亂…最後我都係選擇人氣TOP款式…

豆粉年糕冰

上面鋪滿好香o既豆粉，又配上煉奶，再有涼陣陣，軟綿綿雪花冰！嘩，真係透心涼啊！

（溫馨提示: 記得食依個時候，盡量唔好講野…因為好容易一笑就噴哂D粉…一係就卡住係喉嚨到，好辛苦，哈）

 

之後就試埋依個豆粉蜂蜜麵包！又係人氣推介！吐司中間夾有年糕餡，上面有個雪糕，同樣有豆粉，正！不過個人覺得有點甜…但好適合鍾意食奶油，好甜好甜o既朋友仔，但我就唔係好得喇:P 

食左甜品，當然叫埋飲品啦! 叫左杯抹茶Latte，覺得一般啦！價錢大約係$40~55 一杯，都唔算平架！

 

番到香港，同個韓國朋友傾開，原來依間Cafe係韓國近來好流行！好受年輕人歡迎，韓國人都好鍾意依度嘆個甜品，過一個開心下午。哈，今次俾我誤打誤撞黎到依間甜品Cafe,真係幸運! :) 

 

 

●雪冰설빙（明洞店）

官網：http://sulbing.com/index.php

地址：서울특별시 중구 명동2가 32-17　2F

搵路：

其實係明洞真係好易迷路，因此每間店都差唔多，

周圍都係化妝品店。所以，大家搵到一間店叫 " About "，Cafe 就係隔離喇！

如果唔識路，可以問下旅客中心，佢地好好人，會幫到大家:)

秋高氣爽—-首爾新沙醬油蟹

又就黎踏入秋高氣爽O既日子…

見到好多鋪頭開始做食蟹 promotion, 令我又諗起今年8月O既韓國首爾旅行!!

因為今次旅行, 食左 新沙醬油蟹啊!!!!! 真係食過番尋味, 難忘O既味道!

其實首爾新沙站，由係四號出口一出，附近已經有好多間店食海鮮同醬油蟹!

而今次我就揀左 PRO醬蟹專賣店 프로간장게장」  !

依一間真係犀利喇! 1980 創立，30多年歷史, 老字號啊!

唔單止韓國、大板、東京、北京….都有分店，如果大家去開，都可以去試！

不過醬油蟹個味道係好鮮，好似剌身咁，食落去有D似食海膽果種腥味

所以唔係個個都接受到架!

依一間老字號，當然個價位都比一般餐廳都貴一點，

但我覺得依間環境唔錯，都幾衛生，所以貴D都值得啦!

生醬蟹分　醬油醃간장게장 ，另一款係　辣醬醃양념게장

我就揀左醬油醃醬蟹! 兩個人，叫一份 80,000 韓元，再加每人1個飯，

已經好飽，好滿足喇！因為食醬油蟹，食到一半已經會覺得有點膩…

所以建議咁樣叫, 份量剛剛好,又唔會浪費!

有幾款伴菜! 好味!!

嘩!!!!一黎到…已經聞到好香醬油味!! 已經流哂口水喇!!!

望到隔離枱韓國人食法,所以我都試下!
將D飯放入蟹蓋裡面, 混合埋 滿滿的蟹膏…哇!!! 食一啖,已經飄飄然!

如果大家有興趣去試,就黎依到啦!!
打完依篇BLOG…又好肚餓喇…

프로간장게장  PRO醬蟹專賣店
電話：02-543-4126
時間：24hr
地址：서울특별시 서초구 잠원동 27-1
經緯度：37.514585,127.019135

初黎報到!!一齊向晴天出發

嗨！今日係我決定開始打blogssss!
點解無啦啦有依個想法呢？其實作出這個決定，只用了我3分鐘…
．
．
．

話說今日係公司食完飯，閒逛網上的日誌，突然靈機一觸，
決定自己都應該要擁有一個屬於自己親身經歷的小平台
記錄一些有趣事，回味一下過往的旅遊經歷（本人是非常熱愛旅遊的:P）

因為每日番朝九晚六工作，發覺自己愈來愈似一個失去靈魂的機械人
所以！我不甘就讓自己的生活白白給工作幹掉自己的一切
於是就展開我這個寫blog之旅

如果你又得閒，又同我有同樣諗法，歡迎追看我個blog!!
一齊向 晴天出發GOGOGO!!! :D


話時話….
依張相係2013年5 月歐洲之旅，到訪德國柏林的相！
陽光燦爛，舒服o既天氣…..實在太回味了！
以前未去歐洲，好多人都話用相機求其影一相，唔理係咩角度，
都會覺得好靚。依張相，係我漫步德國街頭時，搵下路途中，
隨意用手機影o既一張相。依家望番…都有百般甜味在心頭，哈！
原來真係隨意影，都已經好靚架！
黎緊會繼續同大家分享我o既旅遊經歷！等我啊:D