向「爽髮」出發

今次唔再帶大家向晴天出發，而係向「爽髮」出發！特別係香港依個長期處於潮濕，幾乎好多時濕度係達到百分八八九九既地方，每朝一起身都發現個頭都油笠笠咁。唔好話驚嚇親人丫，自己都覺得唔舒服啦！所以要有清爽既髮質真係緊要啊!而頭髮髮質依樣野,我一直都有留意又研究下咁(利申,不是專家:p)


因為話說呢,我天生頭髮係好柔軟,又好貼個頭!但又唔知點解,身邊d朋友會好羨慕,成日都話:咁咪好囉!好過我d頭髮成日乾到硬到彈起哂! 其實都係你睇我好,我睇你好! 因為太貼個頭,特別係夏天,一出油就會變成薯條頭 ( 即係D陰油笠笠到變成一條條咁 T^T ) 自己頭髮本身又唔多就更慘,更貼!!所以我自己都好羨慕人地又多頭髮,又軌身D既頭髮! 所以呢，我就分享下我一Ｄ嘗試改善自己髮質既心得同自己既習慣。如果大家有其他試法，歡迎分享！

洗頭:


(1) 茶籽粉洗頭
依個方法係好多益處！我上網同睇書，都見過人講用荼籽粉係好多方面都有幫助。我用左接近兩個星期，每次洗完之後，個頭係乾爽左！個感覺都幾舒服! 雖然一開始用,見到D粉同水攪埋一齊,令人聯想起其他野..哈哈..不過知道佢咁多功效,就當然慢慢接受,什至鍾意左啦!

菜籽?

根據本草綱目記載，「菜籽」取源自茶樹，無毒、零污染還能除油膩 。茶機生長於深山曠野中，不受環境、農藥污染，開花結果到成熟需300多天，是大自然孕育最久的的果實（苦菜籽）。茶籽粉就是採用茶樹果實搾油後，茶渣磨粉製成的粉末，氣味與芝麻糊相近。茶籽粉含天然植物皂素，去油污力強，具消毒殺菌功效。因茶籽中的油酸為中性脂肪，與人的皮脂相近，用茶籽粉洗頭是傳統的祖傳智慧。而且，茶籽粉純天然植物成分，不傷玉手 不造成污染，潔淨力強！真係好處有好多！

而且愈來愈睇太多新聞，話化妝品啊護膚品，都有好多化學物質，會影響身體啊皮膚啊，所以用返天然野好似會好D咁!而市面上,有幾間店都有賣好多天然產品, 如theeden / 綠盈坊/有機生活百貨。我未知邊間好用或平D,大家可以周圍睇睇


(引用 The eden.net)

洗髮護髮

功效：令頭髮變得亮澤柔軟，能去頭皮，除頭油及止頭痕。


用法：

將茶籽粉倒在碗內，加水攪勻成液態，

均勻地倒在濕髮上，並按摩頭皮和頭髮，然後過水洗淨。

配合「茶籽護髮油」可有效減少頭皮脫落，並促進頭髮健康更生，

令粗硬頭髮變得柔軟，回復光澤。

*不須使用護髮素，頭髮已經十分柔軟易梳，感受全天然洗髮的好處! 

份量：

長髮-約1-2湯匙(5-10g)；短髮-約1/2湯匙(5g)



(2) 美國箭牌

如果大家唔太接受咁大自然o既野，都係鍾意有泡的洗頭水,咁就可以考慮依隻箭牌!其實我之前都有用依隻牌子。記得第一次用完，個感覺好奇妙！哈！因為好乾爽！乾到D頭髮係即刻’樹’起哂!但有樣野提提大家, 如果冬天乾燥日子,唔建議用! 因為我用完,係乾到變左甩皮

佢有幾款系列的，我就揀左用『經典配方系列清爽控油』。網上見到有人講都不錯，大家又可以試試！

至於平時出街，我亦都有試過幾樣產品，急救’油笠頭’。


1) LUSH DRY SHAMPOO
含檸檬、葡萄柚和石灰帶來清潔作用，把幼細的粉末直接撲上頭髮，粉末將會停留頭髮上進行全面清潔工作，吸走頭髮的油脂，回復不油膩的清爽感覺。多餘的粉末則自動快速流走，唔會做成滿頭灰塵的錯覺！$119/250g ，我就為到方便，買左125G個隻,大約$80! 因為每次個份量都唔需要好多,所以我125G用左半年都未用完啊!

我覺得依隻DRY SHAMPPO 好好用!真係好方便,陣味都好清新! 白色粉狀質地吸頭油，簡單直接！


2) 碧緹絲頭髮乾洗噴霧

係卓悅買, $36/ 200ml!用法係: 搖勻後於距離30厘米處噴向頭皮及髮根上。之後用指尖輕輕按摩，待數分數後，用手或密齒髮擦梳理。

佢有好多味!一噴落去會有D白色粉末，之後按摩後就消失。我覺得去油效果都可以，噴後都乾爽。氣味就可以因個人喜好去選擇。不過大枝，就唔方便帶出街用。好似近排出左細枝裝，大家可以去睇睇！我係格仔店見過，30幾蚊一枝! 

最後，希望大家都搵到幫到自己頭髮GE方法啦! 日後有機會再同大家分享!

 

Ublog: 

晴天出發GOGOGO!

http://blog.ulifestyle.com.hk/blogger/sunnydaygogogo/

我想要一個田園家居

近來好多香港人都對家局佈置有一份追求。畢竟辛辛苦苦係香港買到一層小窩居，當然要精心佈置一下!又咁O岩近排我亦開始有留意一下唔同家居設計,對將來O既小窩居都有D幻想架!

今日就俾我睇到一篇介紹「家居牧場」的文章!嘩..睇到好吸引! 我一直都好嚮往屋企可以佈置成一個有田園風格,又好似去左牧場的感覺! 原來手工簇絨羊毛地氈就可以幫到手!  

＊　藝術家Alexandra Kehayoglou自小接觸家族地氈工藝，學習如何製作地氈，於藝術學院畢業後便創作出獨特的手工簇絨羊毛地氈系列。


＊除了地氈設計，Alexandra Kehayoglou亦創作出掛毯款式，將一片綠茵從牆壁延伸至地板上



＊ Alexandra Kehayoglou為比利時時裝品牌Dries Van Noten在巴黎舉辦的2015 S/S時裝秀定製長長的「草坪地氈」。

 ＊ 羊毛草坪上除了一片綠，還有利用不同色的羊毛線製成的道路、溪流或石頭等。

依位阿根廷藝術家Alexandra Kehayoglou原來係創作背後有一個理念。在接受媒體訪問時曾表示，『這張天橋上的「草地地氈」希望能夠讓大家關注城市發展與青草地逐漸消失的問題，現代人應學習和周邊環境好好相處。就像她的作品中時有小動物的出現，像小羊在山坡上吃草，青草給予養分讓綿羊長出長毛，然後羊毛便能製成綿絲再織製成大家腳下的草坪地氈，自然界就是一個循環，相信這亦是藝術家帶給我們的深思。』

香港地方唔大，有時要去到郊野公園先可能真正感受到真正大自然。但平時返工放工9個鐘，邊有咁多時間真係可以享受到一片綠油油O既環境?大家有空的時候，可以好好佈置一下自己o既田園家居啦!

延伸閱讀:

https://hk.finance.yahoo.com/news/%E5%AE%B6%E5%B1%85%E9%A2%A8%E6%A0%BC-%E5%AE%B6%E5%B1%85%E7%89%A7%E5%A0%B4-030618915.html


U Blog :

晴天出發GOGOGO

http://blog.ulifestyle.com.hk/blogger/sunnydaygogogo/

雪下的九州之旅 2016 —- 熊本

好好好好耐都無UPDATE下個blog了! 特別去完一個8天九州之旅,成個人都變得更鬆弛( 包括埋D肥肉)…成日都話, 『休息，是為了走更長的路』係岩架! 因為去完一個旅行返黎,真係可以充下電! 雖然又好快返回現實 (T_T)

今次去左8日九州,分別去了不同地方: 福岡, 博多, 由布院府, 太宰府, 熊本, 鹿兒島, 櫻島火山, 門司港, 小倉, 天神, 柳川….哈!

其實都算幾多地方! 我諗如果唔係落大雪, 影響左部分 JR 鐵路, 應該會去得更多地方啊! 今次旅程實在太開心喇, 所以會慢慢分享返旅行感受,介紹下有咩好玩,好食俾大家! 畢竟我平時旅行, 都幾鍾意周圍行, 唔跟旅遊書, 自己發掘下新地方!

第一篇要分享的,就係----熊本市 Kumanago!!

今次係熊本逗留左2日!未去依個地方之前,其實都對熊本幾有好感!(可能因為覺得熊本熊夠趣緻…?!)之後到埗,覺得依個地方都幾舒服! 一出熊本駅, 眼前已經有一部市內電車!

成個感覺好似睇緊漫畫,日本鄰家女孩系feel…(唔知點解 :P)

當日(24/1)係日本大雪的第二日…熊本市地方都好空曠,所以特別凍!

不過!都無阻我開心旅行GE心情!! (熊本熊在熊本無處不在)

熊本城

除左日本城, 每次去日本旅行都去過唔少當地GE城! 但熊本城呢, 真係覺得靚D! 好大可能, 又因為配上厚厚O既積雪,又帶有點寒風,成個景象就好似如詩如畫咁,又有另一種古典美! 誠意推介大家黎啊!!

P.S. 如果買左市內電車劵一日遊(非常划算的!必買!有機會就介紹下!) , 參觀熊本城有折架!   

* 往熊本城的治途上~

咁岩個日去, 撞正有D 特別野! 就扮演古代角色的演藝人員! 好nice架!會同大家影下相!又會擺好多搞鬼動作! 個情況其實好似去到迪士尼咁,D卡通人物走黎走去同大家影下相! 閱讀更多: http://kumamoto-bushoutai.com/

見到D雪景,真係覺得D景點更靚啊!!黎緊會繼續介紹下熊本市內唔同地方!!  stay tuned! :>

U Blog 向晴天出發 GOGOGO :  http://blog.ulifestyle.com.hk/blogger/sunnydaygogogo/2016/02/%E9%9B%AA%E4%B8%8B%E7%9A%84%E4%B9%9D%E5%B7%9E%E4%B9%8B%E6%97%85-2016-%E7%86%8A%E6%9C%AC/